原來咁快過咗一個月冇出文，送返一篇長嘅俾你地🤣🤣
***
膠層請人一路都冇眼光，當然最冇眼光嘅就係請着我。姑娘1走咗之後，最近嚟咗個極品肥妹receptionist。我哋最終含辛茹苦用左一個禮拜請走左佢。佢成版CV得3、4行，地址淨係寫邊區，成區你住曬嘅？中午畢業後有七年冇做過野，對上個份工做左三個月醫學美容，零Medical經驗。話俾同事欺凌所以想轉工。
本身呢個位話至少要三年診所經驗，經理竟然話醫學美容都話晒有「醫學」兩個字啊。好，無奈地被迫要In佢。In完話佢完全唔掂，唔想要佢，經理又話要請。咁不如你落Order直接請啦，做咩曬時間In呢？
最搞笑肥妹就黎結婚。之前經理好怕我地要結婚要大肚，呢個又唔Care。話佢3月先結，唔會咁快大肚攞ML嘅。點知佢黎到第一日返工已經唔見人。打俾佢先話今日過大禮話左請假。但係經理話唔記得佢提過，第一日唔返到工呢啲嘢冇理由佢唔記得嘅。但係口同鼻拗，驚你放生咗佢。不過咁快過大禮，原來跟住發現佢12月就結婚，又講大話。如果你真係最快一月大肚，我又要搵個Replacement，咁請你做咩呢？
到佢第二日終於返工，化行晒妝，戴晒大眼Con，果真係美容院到做過。肥唔係問題，但係肥可唔可以唔好露出橙皮紋象腿。仲要着大T恤遮住條超級短褲，搞到好似冇着褲咁。咁樣真係唔係人人都Carry到。但係佢都結到婚，係真愛！單身姊妹們唔好放棄！
Any肥，佢當然係一個乜都唔識做嘅肥妹。英文唔識同客對答。電話唔識/唔想聽，響嘅時候係咁望住隔離姑娘等佢哋聽。人哋真係有牌嘅姑娘，要打針洗傷口抽血等等。你做聽電話嘅連電話都唔聽，你返嚟做乜嘢？試過因爲佢唔記得提個客帶3樣野，要連續打俾個客3次。記性衰過金魚。叫佢寫低野又唔寫。入電腦中文同英文個位掉轉晒，跟住出左亂碼，問咁樣print個病人名嘅Label O唔OK？最搞笑佢叫佢用𠝹紙機，佢話唔識用。可能驚𠝹親佢啲gel甲掛？姑娘2忍唔住同佢講，第一步你要喺個櫃攞部機落嚟，你企係個櫃面前係唔會學識點樣用佢架～～～～懶到一個點～～～～
每個尊貴嘅西客入親嚟，佢都掘擂槌咁招呼人。又唔識睇人地眉頭眼額。呢個大媽擺到明係痴線㗎啦，咁你都得罪，超級冇禮貌咁撻人哋全朵。我真係唔信佢喺美容嗰度做過聽電話。佢黑面+咁嘅語氣，出面啲師奶仲劈死佢？
最勁係肥妹夠膽死點其他人做野。試過有個老海鮮part-time過嚟幫手，肥妹當然想點佢。老屎忽食鹽多過你食米，肥妹叫佢做野時，老屎忽就華麗轉身飄左入藥房，當聽佢唔到。老海鮮同經理好熟，肥妹好快就命不久矣啦。
我哋熱烈期待姑娘1可以重返我哋嘅懷抱🤣🤣🤣🤣！
***
孖B好快咁就八個月啦！超級為食！BLW + 食MumMum都OK。成日要扶住啲嘢企起身！應該好快就越獄，周圍都困佢唔住！🤦🏽♀️ 睇吓跌死幾多次先安樂～
Search